سٹی42: پنجاب کے نگراں وزیراعلیٰ سیدمحسن نقوی نے عوامی جمہوریہ چین کے خطہ ننگزیا (ننشیا)میں میں ہونے والے تیسرے چائنہ فرینڈ شپ سٹیز فورم میں شرکت اور کمیونسٹ پارٹی آف چائنہ کی مقامی قیادت کے ساتھ ملاقات کے بعد سوشل پلیٹ فارم ٹویٹر پر کہا ہے کہ ننگزیا میں ہونے والے تیسرے چائنہ فرینڈ شپ سٹیز فورم میں پنجاب حکومت کے وفد کی قیادت کرنا انتہائی اعزاز کی بات ہے، جہاں ہم فخریہ طور پر مہمان خصوصی کے عہدے پر فائز تھے۔
محسن نقوی نے چین پاکستان دوستی کی گرمجوشی کے اظہار کے لئے چین پاکستان دوستی کا ایموجی اپنی پوسٹ میں شامل کرتے ہوئے مزید لکھا کہ زراعت، صنعت، لائیو سٹاک اور ماحولیاتی اقدامات میں تعاون بڑھانے پر پارٹی کے سیکرٹری لیانگ یان شون اور چیئرمین ژانگ یوپو کے ساتھ نتیجہ خیز بات چیت ہوئی۔ محسن نقوی نے اس فورم میں شرکت کی ایک خوبصورت ویڈیو کلپ بھی اپنی پوسٹ میں شئیر کی۔
Absolutely honored to lead the Punjab Government delegation at the 3rd China Friendship Cities Forum in Ningxia, where we proudly held the position of chief guest. ????????????????????
— Mohsin Naqvi (@MohsinnaqviC42) September 18, 2023
Fruitful discussions with Party Secretary Liang Yanshun and Chairman Zhang Yupu on enhancing cooperation in… pic.twitter.com/eLdm8nLbKS
نگراں وزیراعلیٰ پنجاب محسن نقوی پانچ روزہ سرکاری دورہ چین کے دوسرے دن منگل کے روز صوبہ ننشیا پہنچے جہاں صوبائی دارالحکومت ین چوان میں ایئرپورٹ پر محسن نقوی اور وفد کا پرتپاک استقبال کیا گیا۔
صوبائی وزراء ایس ایم تنویر، ابراہیم حسن مراد اور چیف سیکرٹری زاہد اختر زمان بھی وزیر اعلیٰ کے ہمراہ تھے۔