در نایاب: واسا کے ریونیو میں اصلاحات لانے کے دعوے دھرے کے دھرے رہ گئے ،  138 صوبائی محکمے واسا کے 35 کروڑ 32 لاکھ کے نادہندہ  نکلے ، واسا کا خسارہ تین ارب سے تجاوز کرگیا ہے ۔

تفصیلات کے مطابق ایم سی ایل 3 کروڑ ، پی ایچ اے جلو پارک تین کروڑ نادہندگی کے ساتھ سرفہرست ہے، اوقاف 2 کروڑ سی سی پی او آفس ڈیڑھ کروڑ نادہندگی کے ساتھ دوسرے نمبر پر ہے ۔پنجاب یونیورسٹی بائیس لاکھ ، سائنس کالج گیارہ لاکھ کا نادہندہ نکلا ہے ۔ پی ڈبلیو ڈی بلڈنگ ڈیپارٹمنٹ ایک کروڑ پینتیس لاکھ ، سروسز ہسپتال پندرہ لاکھ ، ڈولفن پولیس دو لاکھ کی نادہندہ نکلی ہے ۔

سبزہ زار ہسپتال دو لاکھ ، کمپری ہینسو سکول گیارہ لاکھ ، ہیلتھ ڈیپارٹمنٹ 79 لاکھ ، پنجاب پولیس آٹھ لاکھ ، ایڈمنسٹریٹر ایم سی ایل 95 لاکھ ، فاریسٹ آفس پندرہ لاکھ کا نادہندہ نکلا ہے ۔ لیڈی ایچی سن چھتیس لاکھ ، ایچی سن کالج اکاسی لاکھ ، آرکیالوجی چوبیس لاکھ ، ایجوکیشن ستاسی لاکھ ، میٹرو بس سروس چودہ لاکھ ، سوئی نادرن بائس لاکھ ، چائلڈ ویلفئیر بیورو انتیس لاکھ ، نیسپاک ایک لاکھ ، ایجوکیشن کمپلیکس بائیس لاکھ ، ڈی جی سپورٹس دس لاکھ ، پنجاب اسمبلی ، اسٹیٹ آفس کارپوریشن انتیس لاکھ ، پونچھ ہاوس انتیس لاکھ ، گورنمنٹ کالج آف ٹیکنالوجی بارہ لاکھ ، چلڈرن ہسپتال بائیس لاکھ ، اری گیشن اٹھارہ لاکھ کا نادہندہ نکلا۔

 ایس ایس پی آفس سترہ لاکھ ، گورنر ہاوس تئیس لاکھ ، کیمپ جیل چونتیس لاکھ ، واسا کا ریونیو ریکوری کا زور صرف پرائیویٹ نادہندگان تک محدود ہوگیا ہے ۔ واسا ریونیو ریکوری کے لئے سرکاری اداروں پر ہاتھ ہلکا رکھنا واسا کا معمول بن گیا ۔