ویب ڈیسک: عالمی مالیاتی ادارے آئی ایم ایف نے گھانا کے لیے تین ارب ڈالر قرض کی منظوری دے دی۔
غیر ملکی میڈیا کے مطابق آئی ایم ایف کے ایگزیکٹو بورڈ نے بدھ کے روز شدید معاشی بحران سے دوچار مغربی افریقا کے ملک گھانا کے لیے تین ارب ڈالر کے قرض کی منظوری دی جب کہ گھانا کے لیے فوری طور پر 600 ملین ڈالر بھی جاری کرنے کی منظوری دی گئی ہے۔میڈیا رپورٹس کے مطابق آئی ایم ایف ایگزیکٹو بورڈ نے تین سالہ پروگرام کے تحت گھانا کے لیے قرض کی منظوری دی ہے جس میں فوری طور پر 600 ملین ڈالر کی ادائیگی کی منظوری ملک کو شدید معاشی بحران سے دوچار صورتحال میں بہتری کے لیے دی گئی ہے۔
آئی ایم ایف کی جانب سے جاری بیان میں کہا گیا ہے کہ گھانا کے ساتھ قرض سے متعلق طے پانے والے معاہدے پر عملدرآمد ناگزیر ہے اور گھانا کے لیے فوری قرض جاری کرنے کی منظوری کا مقصد اس کے معاشی مسائل پر قابو پانا ہے۔ آئی ایم ایف نے کہا کہ گھانا کو جاری نیا قرض ڈیولپمنٹ پارٹنرز کی جانب سے بیرونی فنانسنگ میں مدد دے گا اور اس کے مالیاتی نظام کے لیے ایک فریم ورک فراہم کرے گا۔
Congratulations to President @NAkufoAddo & his team on the $3 billion IMF-supported program approved by our Executive Board.
— Kristalina Georgieva (@KGeorgieva) May 17, 2023
We stand with Ghana as it implements reforms to address the current economic and financial crisis and help build a better future for all Ghanaians.
آئی ایم ایف کی مینیجنگ ڈائریکٹر نے گھانا کو مبارکباد دیتے ہوئے کہا کہ گھانا میں اصلاحات کے ایک مضبوط پروگرام سے ملک میں دوبارہ گروتھ ہوگی اور اس کے مالی بوجھ میں کمی آئے گی۔