ویب ڈیسک : پاکستان تحریک انصاف یوتھ ونگ کے کارکنان نے سندھ ہاؤس پر دھاوا بول دیا گیٹ توڑ کر اندر داخل ہوگئے ہیں۔ اسلام آباد پولیس نے ایم این اے فہیم خان اور عطااللہ سیمت 8 کارکنوں کو گرفتار کرلیا۔
رپورٹ کے مطابق حکمران جماعت کے کارکنان نے سندھ ہاؤس کے دروازے پر ٹانگیں مار مار کر دروازہ توڑ دالا اور احاطے میں داخل ہوگئے جبکہ ان کے ہمراہ پی ٹی آئی کے رکنِ قومی اسمبلی عطاللہ نیازی بھی موجود تھے۔قبلِ ازیں پی ٹی آئی کارکن نے سندھ ہاؤس کے اندر احتجاج اور نعرے بازی کی، تعینات پولیس نے کارکنان کو روکنے میں ناکام رہی ۔
پیپلز پارٹی نے سندھ ہاؤس کا گیٹ توڑنے اور اندر داخل ہونے پر احتجاج کیا ہے۔ پاکستان پیپلزپارٹی پارلیمنٹرینز کی مرکزی سیکریٹری اطلاعات شازیہ مری کا کہناہے کہ سندھ ہاؤس میں غنڈہ گردی کے ذمہ دار عمران خان ہیں، آج عمران خان کے غنڈوں نے وفاق میں سندھ کے وقار اور تشخص پر حملہ کیا ہے،سندھ ہاؤس وفاق میں صوبہ سندھ کی پہچان ہے، آج تبدیلی والوں نے سندھ کی شناخت کے تقدس کو پامال کیا۔
PTI workers attack Sindh House Islamabad. The enraged mob broke down the door of Sindh House and entered.@imdad_soomro pic.twitter.com/wm1LISoBwp
— Majid_Ali_Mughal ???? (@MajidMughal01) March 18, 2022