(سعید احمد سعید)شہریوں کے لئے خوشخبری ،عیدالاضحیٰ قریب آتے ہی برائلر گوشت کی قیمتوں میں کمی کر دی گئی۔
تفصیلات کے مطابق مرغی کے گوشت کی قیمت میں 5روپے فی کلو کمی کر دی گئی۔مرغی کا گوشت212 سے کم ہو کر207 روپے فی کلو ہو گیا،زندہ مرغی کا تھوک ریٹ135، پرچون ریٹ143 روپے کلو مقر ر کیا گیا۔
فارمی انڈوں کا 160 روپے فی درجن ہی نرخ نامہ برقرار ہے۔
گزشتہ روز بھی برائلر مرغی کے گوشت کے ریٹ میں 17 روپے فی کلو کمی کردی گئی تھی جس کے بعد برائلر مرغی کا گوشت 229 روپے سے کم کرکے 212 روپے فی کلو ہوگیا اور آج پھر مرغی کے گوشت کی قیمت میں 5روپے فی کلو کمی کر دی گئی ۔
شہریوں نے برائلر مرغی کی قیمت میں کمی کو سراہا تو ہے لیکن ساتھ ہی یہ گلہ بھی کر دیا کہ حکومت قیمتوں کو مستقل بنیادوں پر کنٹرول کرنے کے لئے مزید اقدامات کرے اور قیمتوں میں استحکام لائے۔