(ویب ڈیسک)وزیراعظم شہباز شریف نے عمران خان کے اسمبلیاں تحلیل کرنے کے اعلان کے بعد کل اہم اجلاس طلب کرلیا۔
وزیراعظم شہبازشریف کی زیرصدارت اجلاس میں مسلم لیگ ن کی سینئر قیادت شریک ہوگی ،اجلاس میں اسمبلیاں تحلیل ہونے سے بچانے کیلئے معاملات زیر غور آئیں گے ،اجلاس میں قانونی آئینی معاملات کے تحت مختلف پہلوﺅں پر غور ہو گا۔
یاد رہے کہ تحریک انصاف کے چیئرمین عمران خان نے 23 دسمبر کو دونوں اسمبلیاں توڑنے کا اعلان کردیا،کہتے ہیں ملک کیلئے دونوں اسمبلیاں قربان کرتے ہیں ،66 فیصد ملک میں الیکشن ہوگا،قومی اسمبلی میں سپیکر کے سامنے جا کر کہیں گے استعفے قبول کرو، ضائع نہ ہونے دیں ، چوروں کے ٹولے کو مان لیا تو ملک کا کوئی مستقبل نہیں،یہ ملک کیلئے فیصلہ کن وقت ہے،چاہتاہوں الیکشن کے ذریعے پی ڈی ایم کا نام ونشان مٹا دوں ۔