ویب ڈیسک: پاکستان کے  دورے پر آئی ویسٹ انڈین ٹیم کے 14 کھلاڑی اور آفیشلز  ون ڈے سیریز ملتوی ہونے کے بعد  وطن روانہ ہوگئے۔

ذرائع کے مطابق  پاکستان اور ویسٹ انڈیز کے درمیان ون ڈے سیریز جون 2022 تک ملتوی کر دی گئی ہے۔ واضح رہے کہے پاکستان میں موجود ویسٹ انڈیز کرکٹ اسکواڈ کے 6 کھلاڑی اور 3 سپورٹ اسٹاف کے کورونا ٹیسٹ مثبت آچکے ہیں۔ پہلے ٹی 20 میچ سے قبل 3 کھلاڑیوں اور ایک سپورٹ اسٹاف کا کورونا وائرس ٹیسٹ مثبت آیا تھا۔بعدازاں آخری ٹی 20 سے قبل مہمان ٹیم کے اسکواڈ کے مزید 5 ارکان کا کورونا ٹیسٹ مثبت آیا تھا جن میں 3 کھلاڑی اور 2 سپورٹ اسٹاف شامل ہیں۔

???? JUST IN: The ODI leg of West Indies' tour of Pakistan has been postponed.

Details ???? #PAKvWI https://t.co/KieSYGY5kE

— ICC (@ICC) December 16, 2021

 ویسٹ انڈیز کے جو کھلاڑی وطن روانہ ہوئے ہیں ان  14 کھلاڑیوں  اور آفیشل کے کورونا ٹیسٹ منفی آئے تھے جبکہ جن کھلاڑیوں کے کورونا ٹیسٹ مثبت آئے تھے  وہ آئسولیشن  کے بعد وطن  روانہ ہوں گے۔ویسٹ انڈیز ٹیم کے 21 کھلاڑی دورہ پاکستان کے لیے  آئے تھے جس میں 6 کھلاڑی کورونا کا شکار ہوگئے جبکہ ایک ویسٹ انڈین پلیئر انجری کے باعث دورے سے باہر ہوگیا ہے۔

 پاکستان اور ویسٹ انڈیز کی ون ڈے سیریز کھیلنے کا فیصلہ دونوں بورڈز کے اجلاس سے مشروط کیا گیا تھا۔ اس کے بعد ویسٹ انڈیز کرکٹ ٹیم کے تیسرے ٹی 20 میچ کے لیے دستیاب تمام کھلاڑیوں کے کورونا ٹیسٹ منفی آگئے تھے جس کے بعد آخری میچ کو شیڈول کے مطابق کروانے کا اعلان کیا گیا تھا۔