(ویب ڈیسک)عالمی بینک کا پاکستان کو ایک ارب30 کروڑ ڈالرز دینے کا فیصلہ ، رقم ایمرجنسی,زراعت اور ہاؤسنگ ریلیف کے لئےفراہم کی جائے گی۔
عالمی بینک کا پاکستان کو ایک ارب30 کروڑ ڈالرز دینے کا فیصلہ کیا ہے،رقم ایمرجنسی,زراعت اور ہاؤسنگ ریلیف کے لئےفراہم کی جائے گی،عالمی بینک کے وفد کی وفاقی وزیر نیشنل فوڈ سیکیورٹی طارق بشیر چیمہ سے ملاقات کی۔عالمی بینک کی جانب سے پاکستان کی ایک ارب 30 کروڑ ڈالرز کی معاونت دینے کا اعلامیہ جاری کیا گیا،بینک سیلاب,بارشوں سے متاثرہ کسانوں کیلئے یوریا پر سبسڈی کیلئے معاونت فراہم کرے گا۔
وفاقی وزیر طارق بشیر چیمہ نے کہا کہ حالیہ سیلاب اور بارشوں کے نتیجے میں کاشتکار برادری کو بھاری نقصان ہوا ، غریب کسانوں کو ریلیف اور بحالی میں مدد کرنے کی پوری کوشش کر رہے ہیں ،متاثرہ کسانوں کی امداد اور بحالی کے لئےعالمی بینک کی معاونت کو سراہتے ہیں۔