اسلام آباد(این این آئی) اقوام متحدہ نے 15 مارچ اسلاموفوبیا سے نمٹنے کاعالمی دن قرار دیدیا۔
وزیر اعظم عمران خان نے سماجی رابطوں کی ویب سائٹ پر جاری بیان میں کہا کہ امت مسلمہ کو مبارک باد دینا چاہتا ہوں، اسلامو فوبیا کی بڑھتی ہوئی لہر کے خلاف ہماری آواز سنی گئی، اقوام متحدہ نے اوآئی سی کی پاکستان کی طرف سے متعارف قرارداد منظور کرلی۔
#CombatIslamophobiaDay
— ????????????????????????????(نوابوں کا برتھ ڈے) (@m_ramzan_m) March 16, 2022
Finally, #ImranKhan raised his voice and persuaded the United Nations against Islamophobia
Congratulations to the entire Muslim Ummah@m_ramzan_m pic.twitter.com/K5uXJColCT
وزیر اعظم نے کہا کہ اقوام متحدہ نے اسلامی تعاون تنظیم (او آئی سی) کی طرف سے پاکستان کی متعارف کروائی گئی تاریخی قرارداد منظور کر لی۔وزیر اعظم نے بتایا کہ قرارداد کے مطابق 15 مارچ کو اسلاموفوبیا سے نمٹنے کاعالمی دن قرار دیا گیاہے، اقوام متحدہ نے بالآخر دنیا کو درپیش اسلاموفوبیا کا سنگین چیلنج تسلیم کرلیا، اگلا چیلنج اس تاریخی قرارداد پر عملدرآمد یقینی بنانا ہے۔
اس سے قبل وزیراعظم عمران خان نے اورسیز ورکرز کنونشن سے خطاب کرتے ہوئے کہا کہ بیرون ملک رہنے والے پاکستانیوں کو علم ہے اسلاموفوبیا کیا ہے، فخر ہے دنیا میں اسلاموفوبیا کا مسئلہ اٹھایا، آج اقوام متحدہ میں قرارداد منظور ہوگی۔
مزید برآں اقوام متحدہ میں پاکستان کے مستقل مندوب منیر اکرم نے اسلاموفوبیا سے متعلق بیان میں کہا کہ اسلاموفوبیا سے مسلمانوں پرتشدد میں اضافہ ہوا، نائن الیون کے بعد مسلمانوں پرتشدد کے واقعات بڑھے، عمران خان نے اسلاموفوبیا کیخلاف اقوام متحدہ میں آواز اٹھائی۔