( اکمل سومرو ) گورنر پنجاب نے بلوچستان اور قبائلی علاقوں کے طلباء کیلئے مفت تعلیم اور ماہان 3 ہزار روپے سکالر شپ دینے کا فیصلہ کرلیا، پنجاب یونیورسٹی میں پشتون طلباء کیلئے 77 نشستیں مختص کر دی گئی۔
گورنر چوہدری محمد سرور بے پنجاب یونیورسٹی میں خصوصی نشستیں مقرر کرنے کی ہدایت جاری کردی ہیں۔ تفصیلات کے مطابق گورنر پنجاب نے بلوچستان کے طلباء کیلئے پنجاب یونیورسٹی میں 77 نشستیں مقرر کی ہیں۔ گورنر پنجاب نے اوپن میرٹ پر 56 اور لڑکیوں کیلئے 21 نشستیں مقرر کرنے کا حکم دیا ہے۔
قبائلی علاقوں کے طلباء کے لیے 14 نشستیں مقرر ہوئی ہیں۔ گورنر پنجاب کی ہدایات کے مطابق بلوچستان کے طلباء کو یونیورسٹی میں مفت رہائش بھی فراہم کی جائیں گی۔ گورنر نے وائس چانسلر پنجاب یونیورسٹی ڈاکٹر نیاز احمد کے نام مراسلہ جاری کر دیا ہے اور اس مراسلے پر عمل درآمد کرنے کی ہدایات کی گئی ہیں۔
After meeting the Governor of Punjab, he assured that the number of seats in Punjab University Lahore has been increased to 77 and hostel fees for students of Balochistan have been waived.Notification issued It is hoped that #IUB #BZU Multan Issue Will be Solve Soon. @ChMSarwar pic.twitter.com/AemaHLbCfi
— Naeem Baloch (@NaeemBaloch123) October 15, 2020
واضح رہے کہ پشتون طلباء کی جانب سے گورنر پنجاب کے ساتھ ملاقات کی گئی تھی جس میں یونیورسٹییز میں نشستیں مختص کرنے کا مطالبہ کیا گیا تھا۔