ویب ڈیسک: پاکستان پیپلز پارٹی کے چیئرمین بلاول بھٹو زرداری وزیر خارجہ بننے کے بعد اتوار کی شام کو پہلی مرتبہ کراچی پہنچے جہاں جیالوں کی جانب سے ان کا فقید المثال استقبال کیا گیا۔
جمہوریت کا علم تھامے پاکستان پیپلز پارٹی کے جیالے، محافظ آئین اور جمہوریت چیئرمین پاکستان پیپلز پارٹی اور وزیر خارجہ بلاول بھٹو زرداری کا کراچی ائیر پورٹ پر شاندار استقبال کریں گے۔ @BBhuttoZardari pic.twitter.com/yYyBYbFMAI
— PPP (@MediaCellPPP) May 15, 2022
چیئرمین پیپلز پارٹی بلاول بھٹو زرداری اسلام آباد سے خصوصی طیارے میں کراچی پہنچے۔
ایوی ایشن ذرائع کے مطابق انہیں لے کر آنے والے خصوصی طیارے نے کراچی ایئرپورٹ کے ٹرمینل ون پر لینڈ کیا۔
ذرائع نے بتایا کہ بلاول بھٹو زرداری نے ہلکے بزنس جیٹ ہاکر بیچ کرافٹ میں کراچی کا سفر کیا، جس میں 6 سے 8 مسافروں کے بیٹھنے کی گنجائش ہے۔
کراچی ایئرپورٹ پر پیپلز پارٹی کے مرکزی رہنماء استقبال کے لیے موجود تھے۔ ایئر پورٹ کے باہر پاکستان پیپلز پارٹی کے سینکڑوں کارکن بھی ریلیاں لے کر پہنچے ۔
شارع فیصل کے اسٹار گیٹ چوک پر پاکستان پیپلزپارٹی کی جانب سے استقبالیہ جلسے کا انتظام کیا گیا ۔
اس موقع پر کراچی ایئرپورٹ، شاہراہ فیصل اور اطراف میں سخت سیکورٹی انتظامات کیے گئے ہیں، اسٹار گیٹ کے اطراف کئی کلومیٹر تک شارع فیصل، نیشنل ہائی وے اور دیگر اطراف میں ٹریفک بند رکھی گئی ہے۔
رینجرز اور پولیس کی بھاری نفری سیکیورٹی انتظامات کو مؤثر اور فول پروف بنانے کے لیے تعینات ہے۔