علی ساحی : پرویز الہیٰ کی رہائی آج نہیں ہوگی۔ عدالتی روبکار میں تاخیر سے پرویزالہی کی رہائی لٹک گئی۔

آئی جی جیل کے مطابق سرکاری وقت سے تاخیر پر روبکار پہنچنے کی وجہ سے پرویز الہیٰ کی رہائی اب پیر کو ہوگی۔

روبکار پہنچنے تک قیدیوں کوبیرکس میں بند کرکے لاک اپ کردیا گیا تھا۔ سپرنٹنڈنٹ جیل بھی دفتر سے روانہ ہوگئے ہیں، جس کی وجہ سے آج رہائی کے تمام امکانات ختم ہو گئے۔

اس سے قبل جیل حکام کےرویے پر پرویز الہی کےوکیل عامر سعید راں نے شدید ردعمل دیتے ہوئے کہا کہ روبکار ملنے کےبعد جیل حکام کسی کو جیل میں نہیں رکھ سکتے۔ اگر پولیس کسی کو رات کو پکڑتی ہے تو جیل منتقل کیاجاتا ہے۔ کیا صرف جیل میں جانے کا وقت ہوتا ہے آنے کا کوئی وقت نہیں۔