( سٹی42)امیر جماعت اسلامی سینیٹر سراج الحق کی والدہ انتقال کرگئیں، سینیٹر سراج الحق کی والدہ کچھ عرصے سے دل کے عارضے میں مبتلا تھیں، مرحومہ کی نماز جنازہ ثمر باغ دیرمیں ادا کی جائے گی۔
تفصیلات کے مطابق جماعت اسلامی کے امیر اور سینیٹر سراج الحق کی والدہ مختصر علالت کے بعد انتقال کر گئی ہیں،مرحومہ کی نماز جنازہ آبائی علاقے ثمر باغ دیرمیں ادا کی جائے گی۔ان کی وفات پر سیاسی اور سماجی رہنماﺅں نے اظہار تعزیت کیا ہے ۔

انا لله و انا الیه راجعون
اللھم اغفر لھا وارحمھا وعافھا واعف عنھا واكرم نزلھا ووسع مدخلھا واغسلھا بالماء والثلج والبرد ونقھا من الخطايا كما نقيت الثوب الابيض من الدنس وابدلھا دارا خيرا من دارھا واھلا خيرا من اھلھا وادخلھا الجنة واعذھا من عذاب القبر وعذاب النار۔ آمین pic.twitter.com/ItsIQeazXb

— Siraj ul Haq (@SirajOfficial) November 14, 2020

امیر جماعت اسلامی سینیٹر سراج الحق نے اپنی والدہ کی وفات کے حوالے سے ٹوئٹر پر ٹوئٹ کیا ہے،جس میں کہا گیا کہ ان کی والدہ کانماز جنازہ اتوار(کل)ساڑھے 11 بجے ادا کی جائے گی، کورونا وبا کی وجہ سے نماز جنازہ میں مقامی احباب شرکت کریں گے،ٹوئٹ میں مرحومہ کیلئے دعائے مغفرت کی اپیل کی گئی ہے۔

Saddened to know about the loss of @SirajOfficial's mother and loss of senior journalist Arshad Waheed Chaudhary. May ALLAH rest their souls in peace and give enough strength their families to cope with these huge losses. Ameen

— Faisal Javed Khan (@FaisalJavedKhan) November 14, 2020

پاکستان تحریک انصاف کے سینیٹر فیصل جاوید نے سماجی رابطے کی ویب سائٹ ٹوئٹر پر امیر جماعت اسلامی سینیٹر سراج الحق کی والدہ اور جیونیوز کے سینئر رپورٹر ارشد وحید چودھری کے انتقال پر اظہار تعزیت کرتے ہوئے کہاہے کہ اللہ تعالیٰ دونوں کو جنت الفردوس میں مقام بلند عطا فرمائے اور ان کے اہلخانہ کو صبر جمیل دے۔