(عمران یونس) لاہور کالج فار ویمن یونیورسٹی میں مالی بے ضابطگیوں کا معاملہ، گزشتہ دس سال کا فرانزک آڈٹ کیا جائےگا۔
تفصیلات کے مطابق چیئرمین پبلک اکائونٹس کمیٹی سید یاور عباس بخاری نے لاہور کالج فار ویمن یونیورسٹی میں مالی بےضابطگیوں بارے کہا کہ آڈیٹر جنرل کو مراسلہ جاری کیا ہے کہ یونیورسٹی کے گزشتہ دس سال کا فرانزک آڈٹ کروایا جائے۔ اس ضمن میں یونیورسٹی کے تمام تر ٹھیکہ جات اور بھرتیوں کی چھان بین کی جائے گی۔
چیئرمین پبلک اکائونٹس کمیٹی کے مراسلے کے مطابق لاہور کالج فار ویمن یونیورسٹی میں مبینہ طور پرسنگین مالی اور قواعد ضوابط کی خلاف ورزیاں ہوئی ہیں لہذا آڈٹ کرکے رپورٹ چیئرمین پبلک اکائونٹس کمیٹی کو پیش کی جائے۔