ویب ڈیسک: تحریک انصاف کے منحرف رکن قومی اسمبلی ڈاکٹر عامر لیاقت حسین نے ٹوئٹر پر اپنی حالت غیر میں ایک ویڈیو جاری کی ہے اور ساتھ ہی انہوں نے ہمیشہ کیلئے پاکستان کو چھوڑنے کا اعلان بھی کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں عامر لیاقت نے لکھا کہ تھوڑی دیر بعد سرزمین پاکستان سے ہونے والے غلیظ فساد کے حوالے سے اپنا آخری بیان جاری کروں گا اور پھر ہمیشہ کے لیے رخصت ہو جاؤں گا۔ عامر لیاقت نے ہیش ٹیگ میں اللہ حافظ پاکستان بھی لکھ دیا ہے۔
After a while will release my last statement regarding the filthy fiasco from the land of Pakistan and then leave forever. #aamirliaquat#allahhafizpakistan#regrettobekind pic.twitter.com/HCEz1AucXW
— Aamir Liaquat Husain (@AamirLiaquat) May 14, 2022
واضح رہے کہ عامر لیاقت کی تیسری بیوی دانیا شاہ نے ان سے علیحدگی کیلئے عدالت سے رجوع کررکھا ہے۔ اس دوران دانیا شاہ کی جانب سے عامرلیاقت کے حوالے سے متعدد آڈیوز اور ویڈیوز بھی لیک کی گئی۔ ایک ویڈیو میں عامر لیاقت برہنہ حالت میں دکھائی دئیے جس کے بعد سوشل میڈیا پر عامر لیاقت اور دانیا شاہ دونوں پر کڑی تنقید کی گئی۔