شاہ رخ ندیم: علامہ طاہر اشرفی کا کہناہے کہ پاکستان علما کونسل اور تمام مذاہب مل کر بچوں کو حفاظتی تعلیم دے گے، زینب کے قاتلوں کو سر عام چوک میں پھانسی دی جائے۔

تفصیلات کے مطابق وارث روڈ چرچ پر بشپ آزاد مارشل اور تمام مسالک کے علما کے ساتھ مشترکہ پریس کانفرنس کرتے ہوئے علامہ طاہر اشرفی نے کہا کہ المیہ ہے کہ 7 روز گزرنے کے باوجود زینب کے قاتل گرفتار نہیں ہو سکے۔ انہوں نے کہا کہ ملک گیر مہم چلانے کی ضرورت ہے۔

انکا مزید کہنا تھا کہ والدین اپنے بچوں کو حفاظتی تعلیم دیں۔  انہوں نے قصور کے لوگوں سے اپیل کی کہ زینب کے قاتل کو پکڑنے میں اداروں کی مدد کریں۔ بشپ آزاد مارشل نے کہا کہ زینب مسلمانوں کے ساتھ ساتھ مسیحیوں کی بھی بیٹی تھی۔ اسکے لئے انصاف کا مطالبہ کرتے ہیں۔