ویب ڈیسک: برطانیہ کے شہر ناٹنگھم شائر کے مصروف ترین علاقے میں مختلف حملوں میں 3 افراد ہلاک ہو گئے۔ پولیس ناٹنگم کے سٹی سینٹر میں تین مختلف حملوں میں تین افراد کےہلاک جبکہ تین کےسخت زخمی ہو نے کے واقعات کا باہمی تعلق تلاش کرنے کی کوشش کر رہی ہے۔
برطانوی خبر ایجنسی کے مطابق پولیس کو سٹی سینٹر کے الکیسٹن روڈ سے چاقو کے وار سے دو افراد کے قتل کی اطلاعات موصول ہوئی، جس کے بعد مگڈالا روڈ سے ایک اور شخص کی لاش دریافت ہوئی۔ پولیس نے علاقے سے ایک شخص کو گرفتار کرلیا۔
پولیس کے مطابق ناٹنگھم میں سٹی سینٹر ہی کے علاقے میں ملٹن اسٹریٹ پر ایک اور واقعے میں سفید رنگ کی ایک وین کی ٹکر سے تین افراد سخت زخمی ہوگئے ہیں۔
خدشہ ظاہر کیا جا رہا ہے کہ تینوں واقعات کا آپس میں تعلق ہو سکتا ہے، پولیس نے واقعات سے متعلق تحقیقات کا آغاز کر دیا۔
پولیس کا کہنا ہے کہ واقعات کی تحقیقات کیلئے الکیسٹن روڈ، ملٹن اسٹریٹ، مگدالا روڈ اور میپل اسٹریٹ سمیت سٹی سینٹر کے اطراف میں مختلف گزرگاہیں عام ٹریفک کیلئے بند کر دی گئی ہیں، ایک شخص کو تحویل میں لیکر تفتیش کا آغاز کردیا گیا ہے، تحقیقات ابھی ابتداعی مراحل میں ہے تاہم واقعات کے محرکات اور آپس میں تعلق سے متعلق جلد معلوم کر لیا جائے گا۔
Officers are currently at an ongoing serious incident.
— Nottinghamshire Police (@nottspolice) June 13, 2023
The following roads are closed-
Ilkeston Road,
Milton Street,
Magdala Road,
Maples Street,
Woodborough Road from junction of Magdala Road into the city,
Maid Marian Way junction of Parliament Street.
Updates to follow pic.twitter.com/OQMOppuYyj
برطانوی خبر ایجنسی کے مطابق تینوں واقعات شہر کے مصروف ترین علاقے میں پیش آئے ہیں جہاں سے تمام بسیں گزرتی ہیں جبکہ اسکول، کالج اور کام پر جانے والے لوگوں کی بڑی تعداد بھی روزانہ اس علاقے سے گزرتی ہے جس لیے ہر وقت پولیس کی بھاری نفری یہاں تعینات رہتی ہے۔