عثمان علیم: کورونا کی ممکنہ چوتھی لہر کے پیش نظر کمشنر لاہور کے پیشگی اقدامات کی این سی او سی بھی معترف،  تمام ڈیویژنل کمشنرز کو 'لاہور ویئرز ماسک' کیمپین جیسی کیمپین شروع کرنے کی ہدایات کردی گئی۔
 کورونا وبا سے لڑنے کے لیے کمشنر لاہور کی کاوشوں کو سراہا جانے لگا، این سی او سی نے تمام ڈیویژنل کمشنرز کو کورونا سے بچاؤ کے لیے کمشنر لاہور کی جانب سے متعارف کروائی جانے والی کیمپین کو فالو کرنے کی ہدایات دے دی، کمشنر لاہور کیپٹن ر محمد عثمان کی جانب کورونا کی چوتھی لہر کے پیش نظر' لاہور ویئرز ماسک'  کیمپین متعارف کروائی گئی ہے۔

#لاہوروئیرزماسک (#LahoreWearsMasks)
مہم کی ایک اور کامیابی۔ سٹی نیوز نیٹ ورک مہم کا آفیشل میڈیا پارٹنر، مفاہمتی یادداشت پر دستخط۔ سٹی گروپ کا شکریہ۔ انشاءاللہ ہم سب مل کر اپنے شہر کو #کورونا وائرس کی چوتھی لہر سے محفوظ رکھیں گے#LahoreWearsMasks #MyCity #COVID19 #coronavirus pic.twitter.com/92flkOzadL

— Muhammad Usman Younis (@CaptainUsman) July 1, 2021

کیمپین کے تحت چار کروڑ 80 لاکھ ماسک شہریوں کے گھروں کی دہلیز پر اور شہر میں بانٹے جائیں گے۔ این سی او سی کی جانب سے تمام ڈیویژنل کمشنرز کو ہدایات دی گئیں ہیں کہ تمام اضلاع میں لاہور انتظامیہ کی طرز پر کورونا ایس او پیز اور ماسک کے استعمال کو یقینی بنایا جائے، تمام اضلاع میں 'لاہورویئرز ماسک'  کمپین جیسی کیمپین لانچ کی جائیں،عید الاضحی کے پیش نظر کورونا سے بچاؤ کے لیے ماسک کا استعمال یقینی بنایا جائے،مویشی منڈیوں میں ایس او پیز پر عملدرآمد اور ماسک کا استعمال یقینی بنایا جائے۔