ویب ڈیسک : کورونا نے دنیا کے 50 کروڑ افراد کو غریب کر دیا۔ ورلڈ بینک اور ڈبلیو ایچ او نے ہوشربا رپورٹ جاری کر دی۔ اداروں کے مطابق گزشتہ برس دنیا کو عالمی وبا کے باعث 1930 کے گریٹ ڈپریشن کے بعد بدترین معاشی بحران کا سامنا کرنا پڑا، وبا کے عروج پر اپنی جیبوں سے طبی اخراجات کی ادائیگی نے لوگوں کو کنگال کردیا۔
کورونا وائرس نہ صرف نظامِ صحت بلکہ کروڑوں افراد کی جیبوں پر بھی بھاری ثابت ہوا، عالمی وبا نے گزشتہ برس 50 کروڑ افراد کو خطِ غربت سے نیچے دھکیل دیا۔
ورلڈ بینک اور ڈبلیو ایچ او نے ہوشربا حقائق سے پردہ اٹھاتے ہوئے کہا ہے کہ گزشتہ برس کورونا وبا کے باعث دنیا کو 1930 کے گریٹ ڈپریشن کے بعد بدترین معاشی بحران کا سامنا کرنا پڑا،،، وبا کے عروج پر اپنی جیبوں سے طبی اخراجات کی ادائیگی نے نصف ارب سے زائد لوگوں کی جمع پونجی کا صفایا کر دیا۔
Pandemic pushing 500M people into extreme poverty: Reportshttps://t.co/ccBwq1b135 pic.twitter.com/8YIkIjSPB2
— Kazinform (@kazinform_eng) December 13, 2021
عالمی ادارہ صحت نے تمام ممالک پر زور دیا ہے کہ مسائل سے نمٹنے کیلئے نظامِ صحت پر اپنی توجہ بڑھائیں اور یونیورسل ہیلتھ کوریج کی راہ پر گامزن رہیں۔ سربراہ ڈبلیو ایچ او ٹیڈروس آدھنم کا کہنا ہے کہ تمام حکومتوں کو یقینی بنانا ہو گا کہ ہر شہری کو مالی نتائج کی فکر کے بغیر صحت کی سہولیات میسر ہوں۔
Over half a billion people being pushed into extreme poverty as result of economic consequences of #COVID19 pandemic, reports by WHO and World Bank sayhttps://t.co/YNFXeB6nwn
— DAILY SABAH (@DailySabah) December 13, 2021
ورلڈ بینک کے ڈائریکٹر برائے صحت، غذا و آبادی: جان پابلو نے کہا کہ حکومتوں کو محدود مالی گنجائش کے اندر رہتے ہوئے صحت کا بجٹ بڑھانے اور اسے محفوظ بنانے جیسے مشکل فیصلے کرنا ہوں گے۔