ویب ڈیسک :  طلبا تنظیموں میں تصادم کے واقعے کے بعد انٹرنیشنل اسلامک یونیورسٹی کے 15 طلبا کو یونیورسٹی سے خارج کردیا گیا ہے ۔

رپورٹ کے مطابق سٹوڈنٹ ڈسپلن کمیٹی نے سٹوڈنٹس کو شوکاز نوٹس جاری کیے تھے۔ شوکاز نوٹس کا جواب ملنے کےبعد سٹوڈنٹ ڈسپلن کمیٹی نے معاملے کا جائزہ لیا اور اپنے فیصلے کے مطابق 15 طلبا کو یونیورسٹی سے نکال دیا گیا جبکہ ہجوم میں شامل تین طالب علموں کو5000  فی کس جرمانہ،ایک  سمسٹر فیل کر دیا گیا۔ اسی طرح جھگڑے میں  ملوث طالب علموں کو ہاسٹل سے نکال دیا گیا۔

یادرہے تین جنوری کو طلباء تنظیموں میں جھگڑا ہوا تھا جس کے نتیجے میں 8طالبا زخمی ہوئے تھے واقعے کا صدر جامعہ نے نوٹس لیا تھا۔ انٹرنیشنل اسلامک یونیورسٹی کے ترجمان کا کہنا ہے کہ سٹوڈنٹ ڈسپلن کمیٹی کی سفارشات پر طلباء کو جامعہ سے فارغ کیا گیا ہے۔