(ویب ڈیسک) واٹس ایپ کی نئی پرائیویسی پالیسی سے صارفین اپ سیٹ، پیغام رسانی کیلئےغیرمعروف متبادل ایپلی کیشنز مقبول ہونےلگیں۔
پیغام رسانی کی موبائل ایپلی کیشن واٹس ایپ کی اجارہ داری خطرے میں پڑگئی، نئی پرائیویسی پالیسی کے بعد صارفین کا دوسری مدمقابل اپلی کیشنز کی جانب رحجان بڑھنےلگا۔ صارفین کی بڑی تعداد سگنل ایپ اور ٹیلی گرام کا استعمال کرنےلگی۔
پانچ روز کے دوران دنیا بھر میں سگنل ایپ کو 75 لاکھ مرتبہ ڈاؤن لوڈ کیاگیا، سگنل ایپ اینڈرائیڈ اور آئی او ایس دونوں صارفین کے لیے دستیاب ہے، اس پر کی جانے والی چیٹ کے صارفین اسکرین شاٹ بھی نہیں لے سکتے جبکہ یہ صارفین کا ذاتی ڈیٹا بھی جمع نہیں کرتی، دنیا کے نئے امیر ترین شخص اور ٹیسلا کے سی ای او ایلون مسک نے بھی اپنے ٹویٹر فالوورز کو سگنل ایپ کے استعمال کا مشورہ دےدیا تھا۔
Use Signal
— Elon Musk (@elonmusk) January 7, 2021
دوسرے نمبر پر زیادہ ڈاؤن لوڈ کی جانے والی ایپلی کیشن ٹیلی گرام ہے، جسے چار روز میں 56 لاکھ مرتبہ ڈاؤن لوڈ کیا جاچکاہے، ٹیلی گرام پر خفیہ چیٹ کا ایک الگ فیچر بھی موجود ہے، یہ ایپلی کیشن صارفین کو موبائل نمبر چھپانے کا آپشن بھی دیتی ہے۔