ویب ڈیسک: معروف اسکالر پروفیسر نوم چومسکی نے کہا ہے کہ اسلامو فوبیا نے بھارت میں "سب سے مہلک شکل" اختیار کر لی ہے۔ وزیراعظم عمران خان نے انسٹاگرام پر ان کے ویبنار شیئر کردیا۔
نوم چومسکی نے کہا کہ اسلامو فوبیا نے تقریباً 250 ملین ہندوستانی مسلمانوں کو "مظلوم اقلیت" میں تبدیل کر دیا ہے۔ رپورٹ کے مطابق انہوں نے کہا کہ اسلامو فوبیا کی پیتھالوجی پورے مغرب میں بڑھ رہی ہے اور یہ ہندوستان میں اپنی سب سے مہلک شکل اختیار کر رہی ہے۔ چومسکی کے علاوہ کئی دیگر ماہرین تعلیم اور دیگر شخصیات نے "بھارت میں نفرت انگیز تقریر اور تشدد " کے موضوع پر ویبینار میں حصہ لیا۔
View this post on Instagram
چومسکی نے یہ بھی کہا کہ بھارتی وزیر اعظم نریندر مودی کی دائیں بازو کی ہندو قوم پرست حکومت نے بھارت کے زیر مقبوضہ کشمیر میں جرائم میں تیزی سے اضافہ کیا ہے۔
ان کا مزید کہنا تھا کہ کشمیر میں جرائم کی ایک طویل تاریخ ہے، ریاست اب وحشیانہ طور پر مقبوضہ علاقہ ہے اور اس کا فوجی کنٹرول کچھ طریقوں سے مقبوضہ فلسطین جیسا ہے۔