اسرار خان: لاہور میں عید کے موقع پر بھی وارداتیں تھم نہ سکیں ۔ اقبال ٹاؤن کے علاقہ میں دو ڈاکوؤں نے دن دیہاڑے جنرل سٹور لوٹ لیا ۔ سٹی 42 نے واردات کی سی سی ٹی وی حاصل کر لی ۔

واردات آج سہ پہر 3 بجے ہما بلاک میں واقع ایک جنرل سٹور میں ہوئی ۔ سی سی ٹی وی میں موٹر سائیکل سوار 2 ڈاکو نظر آتے ہیں ۔  شلوار قمیض میں ملبوس دونوں ڈاکو جنرل سٹور میں داخل ہوتے ہیں، جو اسلحہ کی نوک پر دکاندار کو یرغمال بنا لیتے ہیں ۔  ایک ملزم اطراف کی نگرانی کرتا رہا، جبکہ اسکا دوسرا ساتھی کیش کاؤنٹر کا صفایا کرنے میں مصروف رہا ۔  دونوں ڈکیت  15 ہزار روپے نقدی اور 2 موبائل فون لوٹ کر فرار ہو گئے۔  دوسری جانب متاثرہ دکان مالک نے اندراج مقدمہ کی درخواست تھانہ اقبال ٹاؤن میں جمع کرا دی ہے ۔