ڈسٹرکٹ ایجو کیشن اتھارٹی کی اساتذہ کیلئے نئی پالیسی متعارف

05:36 PM, 11 Sep, 2018

شازیہ بشیر

جنید ریاض: سکول کے اوقات میں اساتذہ کا ایجوکیشن اتھارٹی کے دفتر میں داخلہ ممنوع قراردے دیا گیا،جتنا ضروری کام بھی ہو ٹیچنگ ، نان ٹیچنگ سٹاف اور درجہ چہارم کا عملہ سکول کے اوقات کار کے بعد آفس آئیں۔

یہ بھی لازمی پڑھیں:نیوز بلیٹن3بجے 13 نومبر 2018  

تفصیلات کے مطابق ڈسٹرکٹ ایجوکیشن اتھارٹی لاہور نے سکول کے اوقات میں اساتذہ کا ایجوکیشن اتھارٹی کے دفتر میں داخلہ ممنوع دے دیا ہے، ایجوکیشن اتھارٹی نے ایک مراسلہ جاری کیا ہے جس میں بتایا گیا ہے کہ جتنا ضروری کام بھی ہو ٹیچنگ ، نان ٹیچنگ سٹاف اور درجہ چہارم کا عملہ سکول کے اوقات کار کے بعد تشریف آسکتاہے، چاہے سکول سے دفتر تک پہنچنے میں ڈیڑھ گھنٹہ لگتا ہو۔

سی ای اوایجوکیشن نسیم زاہد کا کہنا تھا کہ ساڑھے تین بجے سہ پہر کے بعد عملہ کو دفتر آنے کی اجازت ہوگی، انکا کہنا تھا کہ پابندی لگانے کا مقصد اساتذہ کی توجہ بچوں کی طرف مرکوز کرنا ہے۔ دوسری جانب سائلین کہتے ہیں کہ جب 3 بجے سہ پہر کے بعد اتھارٹی آفس جاتے ہیں تو سی ای او اور ڈی ای او ایجوکیشن سیٹ پر نہیں ملتے۔

 

مزیدخبریں