’پی ٹی آئی کے ہوتے ہوئے ملک کو دشمن کی ضرورت نہیں ہے‘

’پی ٹی آئی کے ہوتے ہوئے ملک کو دشمن کی ضرورت نہیں ہے‘
سورس: Google
Stay tuned with 24 News HD Android App
Get it on Google Play

ویب ڈیسک :لاہورمیں امیر جماعت اسلامی سراج الحق کا کہنا ہے کہ پی ڈی ایم، پیپلز پارٹی، پی ٹی آئی کے ہوتے ہوئے ملک کو دشمن کی ضرورت نہیں ہے۔

مولانا مودودی کانفرنس سے خطاب کرتے ہوئے سراج الحق کا کہنا تھا پی ڈی ایم، پیپلز پارٹی اور پی ٹی آئی ٹرائیکا نے ہماری تہذیب، سماج، سیاست اور معیشت سمیت سب کچھ تباہ کر دیا ہے۔

https://www.city42.tv/digital_images/large/2023-01-11/news-1673411330-9837.jpg

ان کا کہنا تھا کہ چترال سے کراچی تک لوگ آٹے کی قطاروں میں کھڑے ہیں، حکمرانوں کو گاڑیوں کی ضرورت ہے اور عوام روٹی کے نوالوں کے لیے دربدر پھر رہے ہیں، پی ڈی ایم، پیپلز پارٹی، پی ٹی آئی کے ہوتے ہوئے ملک کو دشمن کی ضرورت نہیں ہے۔

https://www.city42.tv/digital_images/large/2023-01-11/news-1673411131-2182.jpg

انہوں نے مزید کہا کہ استعمار نے پاکستان پر حکمرانی کے لیے سیاسی جماعتوں کی شارٹ لسٹنگ کی ہوئی ہے اور حکمران جماعتوں کو اسٹیبلشمنٹ کی پشت پناہی حاصل ہے، یہ اسٹیبلشمنٹ کے گملوں میں پلنے والے اسٹیبلشمنٹ کی سپورٹ کے بغیر ہفتہ بھر سیاست نہیں کر سکتے۔

سراج الحق کا کہنا تھا جنیوا کانفرنس میں چند ارب ڈالر ملنے پر حکمران خوشی کے شادیانے بجا رہے ہیں، وزیراعظم اور وزیر خزانہ بیرونی امداد پر بغلیں بجانے کی بجائے علامہ اقبال کا درس خودی پڑھیں، وزیراعظم بتائیں سیلاب متاثرین کے لیے اعلان کردہ 70 ارب روپےکہاں گئے؟

https://www.city42.tv/uploads/digital_news/2023-01-11/news-1673412116-6623.gif

امیر جماعت اسلامی نے کہا کہ پی ٹی آئی پنجاب، خیبر پختونخوا، گلگت بلتستان اور آزاد کشمیر کے تقریباً 15کروڑ لوگوں پر حکومت کر رہی ہے جبکہ پی ڈی ایم کی 14جماعتیں مرکز اور بلوچستان میں حکمران ہیں، پیپلزپارٹی سندھ میں 15 برسوں سے حکومت کر رہی ہے، ان سب نے مل کر ملک کو برباد کیا، حکمرانوں نے مل کر کشمیر کو فروخت کیا، حکمران آج ملک کے ائیرپورٹس، ریلوے، موٹرویز بیچنے کو تیار ہیں۔

https://www.city42.tv/digital_images/large/2023-01-11/news-1673412236-3950.jpg