(مانیٹرنگ ڈیسک) محکمہ کالجز سندھ نے طالبات کو موٹر سائیکل چلانے کی ٹریننگ دینے کا فیصلہ کرلیا۔
ذرائع کے مطابق محکمہ کالجز سندھ اور سندھ ویمن ڈویلپمنٹ کے اشتراک سے کالجز میں طالبات کو موٹرسائیکل چلانے کی تربیت دی جائے گی، محکمہ کالجز سندھ نے سرکاری کالجز سے موٹرسائیکل چلانا سیکھنے کی خواہشمند طالبات کی فہرست مانگ لی۔
سندھ وویمن ڈویلپمنٹ حکام کا کہنا ہے کہ موٹرسائیکل چلانے کی ٹریننگ دینے کا اصل مقصد خواتین کو خود مختار بنانا ہے۔