کورونا کا دوبارہ حملہ، وزیراعظم شہباز شریف نے بڑا فیصلہ لے لیا

corona omichron varient
کیپشن: corona virus
سورس: google
Stay tunned with 24 News HD Android App
Get it on Google Play

 ویب ڈیسک : وزیراعظم شہباز شریف نے اومیکرون وائرس کی نئی ساخت کے بڑھتے ہوئے کیسز کا نوٹس لے لیا، وزیر اعظم نے فوری طور پر این سی او سی کو بحال کرنے کی ہدایت جاری کر دی ہیں۔

شہباز شریف نے وزارت قومی صحت سے موجودہ صورتحال کے متعلق رپورٹ طلب بھی کر لی ہے۔

واضح رہے گزشتہ روز پاکستان میں اومی کرون وائرس کے نئے ویرینٹ کی تصدیق ہوئی تھی، قومی ادارہ صحت این آئی ایچ نے پاکستان میں جینوم کی ترتیب کے ذریعے  اومی کرون کے نئے سب ویرینٹ (ذیلی قسم) BA.2.12.1 کے پہلے کیس کی تصدیق کی تھی۔ ادارے کی جانب سے کہا گیا کہ اس نئی قسم کے ویرینٹ کی وجہ سے مختلف ممالک میں کیسز کی تعداد میں اضافہ ہو رہا ہے۔

این سی او سی کا کہنا ہے کہ بہترین احتیاطی تدابیر   رش والی جگہوں پر ماسک کی پابندی اورکورونا وائرس ویکسینیشن ہے۔

قومی ادارہ صحت کی طرف سے تمام اہل آبادی سے التماس کی جاتی ہے کہ اپنی ابتدائی ویکسین مکمل کروائیں اور ویکسینیشن مکمل ہونے کے 6 مہینے کے بعد بوسٹر ڈوز لگوائیں۔