ویب ڈیسک: سابق وزیر اعلی چودھری پرویز الہیٰ نے علاج اور جیل میں سہولیات کیلیے دو درخواستیں دائر کیں۔
اینتی کرپشن کورٹ کے جج علی رضا اعوان نے دائر درخواستوں پر سماعت کی۔ سماعت میں پرویز الہی کی وکیل رانا انتظار نے دلائل دیئے کہ پرویز الہی بیمار ہیں ان کو علاج کی سہولت نہیں مل رہی۔پرویز الہی سابق وزیر اعلی ہیں ان کو جیل میں علاج کی سہولت نہیں دی گئی۔
وکیل نے استدعا کی کہ پرویز الہی کو علاج کی بہتر سہولیات دی جائے، پرویز الہی کو سابق وزیر اعلی ہونے کے باعث جیل میں بی کلاس کی سہولیات دی جائیں۔
عدالت نے سپریڈنٹ سے پرویز الہی کی درخواست پر جواب طلب کر لیا۔ عدالت نے مزید سماعت 13 جون تک ملتوی کر دی۔