نوازشریف کے کیسز کا کیا بنے گا؟ نامزد وزیراعظم شہبازشریف نے بتادیا

شہبازشریف
کیپشن: Shehbaz Sharif
سورس: Google
Stay tunned with 24 News HD Android App
Get it on Google Play

ویب ڈیسک: مسلم لیگ ن کے صدر شہبازشریف کا کہنا ہے کہ ہم بھارت کے ساتھ امن کے خواہاں ہیں۔ مسئلہ کشمیر کے حل کے بغیر امن ممکن نہیں۔قومی ہم آہنگی میری پہلی ترجیح ہے۔

نامزد وزیراعظم شہبازشریف نے  میڈیا سے غیر رسمی خصوصی گفتگو کرتے ہوئے کہا ہے کہ نئی کابینہ کی تشکیل اپوزیشن رہنماؤں کی مشاورت کیساتھ ہوگی۔ کوشش ہوگی کہ ملکی معیشت بہتر کرکے عوام کو ریلیف دے سکیں۔ ملک میں نئے دور کا آغاز کریں گے۔ باہمی احترام کو فروغ دیں گے۔

صحافی نے سوال پوچھا کہ میاں نوازشریف کب واپس آئیں گے؟ان کے کیسزکا کیا بنے گا؟  جس پر شہبازشریف نے جواب دیا کہ میاں نوازشریف کے کیسز قانون کے مطابق دیکھے جائیں گے۔

دوسری جانب اپوزیشن جماعتوں کے متفقہ وزیراعظم کے امیدوار شہباز شریف نے اپنے ٹوئٹر پیغام میں لکھا ہے کہ آئین کی بالادستی کے لئے ساتھ دینے پر سب سیاسی کارکنان کا شکر گزار ہوں ۔

شہبازشریف نے مزید لکھا کہ اپنے قائد نواز شریف کا بھی شکر گزار ہوں۔ آصف علی زرداری ، مولانا فضل الرحمان اور بلاول بھٹو کا بھی شکریہ ادا کرتا ہوں ۔نامزد وزیراعظم نے ٹیوٹر پیغام میں میڈیا،سول سوسائٹی اور وکلا کا بھی شکریہ ادا کیا۔