( سعید احمد سعید )سول ایوی ایشن اتھارٹی نے ملک کے تین ہوائی اڈوں پر پرائیویٹ طیاروں کے آپریٹ کرنے کی اجازت دے دی۔
سول ایوی ایشن اتھارٹی نے نوٹم جاری کردیا ہے، جس کے مطابق حکومت نے آپریشنل ایس او پیز کے تحت کراچی، لاہور اور اسلام آباد کے ہوائی اڈوں پر پرائیویٹ طیاروں کی اجازت دی ہے۔
سی اے اے کا کہنا ہے کہ پرائیویٹ طیاروں کو کورونا سے بچاؤ کے لئے سخت حفاظتی اقدامات اٹھانے کے احکامات جاری کیے گئے ہیں۔
Government of Pakistan has allowed the operation of private aircraft flights between three airports at initial stage. Government of pakistan has also approved the operational SOPs for private aircraft flights between Karachi, Lahore and Islamabad airports. 1/2
— PCAAOfficial (@official_pcaa) April 10, 2020
واضح رہے گزشتہ روز سی اے اے نے اندرون و بیرون ملک کمرشل پروازوں کے بعد نجی چارٹرڈ طیاروں کے آپریشن کی بندش میں بھی 21 اپریل تک توسیع کر دی گئی تھی۔
سول ایوی ایشن کی جانب سے جاری کردہ نوٹم میں کہا گیا تھا کہ وزیراعلیٰ پنجاب، سندھ اور وزیراعلیٰ بلوچستان کے چارٹرڈ طیاروں اور ہیلی کاپٹرز کو بھی اڑان بھرنے کی اجازت نہیں ہوگی۔
لاہور، ملتان، پشاور اور راولپنڈی فلائنگ کلب کے چھوٹے طیارے بھی نہیں اڑ سکیں گے۔ پرائیوٹ جہاز مالکان کو بھی اڑان کی اجازت نہیں ہوگِی۔ ہنگامی صورتحال میں خصوصی طیاروں کوسی اے اے کی اجازت کے بعد ہی اڑان بھرنے کی اجازت ہوگی۔