(ویب ڈیسک) روپے کی قدر میں بہتری اور ڈالر سستا ہونے پر مختلف موٹرسائیکلوں، گاڑیوں کی قیمتوں میں کمی کی گئی ہے، الحاج آٹوموٹیو نے صارفین کو اچھی خبر سناتے کہا کہ کمپنی نے پروٹون X70 کی خریداری پر 2 لاکھ اضافی روپے کی یک وقتی چھوٹ دینے کا اعلان کیا ہے۔
تفصیلات کےمطابق یہ پیشکش ان مخصوص صارفین کے لیے ہے جنہیں 4 اگست سے 30 ستمبر 2022 کے درمیان بیلنس آف پیمنٹ لیٹر جاری کیے گئے تھے۔امریکی ڈالر کے مقابلے میں روپے کی قدر بڑھ رہی ہے، اسی لیے کمپنی نے یہ فائدہ صارفین تک پہنچانے کا فیصلہ کیا ہے۔
کمپنی حکام کا کہناتھا کہ جو صارفین اپنے بیلنس کی ادائیگی کے خطوط میں مذکور آخری تاریخ سے محروم ہو گئے ہیں وہ اب اضافی 200000 روپے ادا کیے بغیر اکتوبر 2022 تک پروٹون X70 حاصل کر سکتے ہیں۔
الحاج پہلی کمپنی ہے جو روپے کے مقابلے میں امریکی ڈالر کی تازہ ترین گراوٹ کا فائدہ اٹھا رہی ہے۔ ڈالر 240 روپے سے کم ہو کر 218 روپے پر آگیا ہے۔ یہ پیش رفت نئے وزیر خزانہ اسحاق ڈار کے عہدہ سنبھالنے کے بعد ہوئی۔ نئے وزیر نے اعلان کیا کہ وہ ڈالر کو روپے کے نیچے واپس لائیں گے۔
اور اگر ایسا ہوتا ہے تو یہ کمپنیوں اور عوام کے لیے راحت کا باعث ہوگا،اگست میں پروٹون پاکستان نے ڈالر کی قیمت میں کمی کی وجہ سے اپنی کاروں کی قیمتوں میں کمی کی۔ کمپنی کی جانب سے قیمتوں میں کمی کے نوٹی فکیشن سے پتہ چلا ہے کہ پرانی بکنگ والے صارفین کو ایک اضافی فائدہ ملا ہے۔
پروٹون X70 FWD پریمیم کی قیمت میں 110000 روپے کی کمی گئی ہے جس کے بعد گاڑی کی قیمت 7300000 روپے سے کم ہو کر 7190000 روپے ہو چکی ہے۔دوسری جانب پرانی بکنگز والے صارفین کو 6990000 روپے ادا کرنا ہوں گے جبکہ پرانی قیمت 7100000 روپے تھی۔
اسی طرح پروٹون X70 AWD ایگزیکٹیو کی قیمت میں بھی 110000 روپے کی کمی گئی ہے جس کے بعد گاڑی کی قیمت 6850000 روپے سے کم ہو کر 6740000 روپے ہو چکی ہے۔ دوسری جانب پرانی بکنگز والے صارفین کو 6540000 روپے ادا کرنا ہوں گے جبکہ گاڑی پرانی قیمت 6650000 روپے تھی۔