سٹی42: سیشن کورٹ نے منشیات کے ملزم کا جرم ثابت ہونے پر قید اور جرمانے کی سزا سنا دی۔
تفصیلات کے مطابق ایڈیشنل سیشن جج شاہد منیر نے مجرم اکرام کو تین سال قید اور سات ہزار روپے جرمانہ کی سزا سنا ئی۔ مجرم کے خلاف تھانہ رائے ونڈ سٹی پولیس نے منشیات کا مقدمہ درج کیا تھا۔ تفتیشی رپورٹ کے مطابق مجرم اپنے علاقے میں منشیات فروشی کرتا تھا، جس کے قبضہ سے 3 کلو چرس برآمد ہوئی تھی، عدالت نے دوران سماعت گواہوں کےبیانات اور شواہد کی بنیاد پر سزا سنائی۔