(زاہد چودھری) جناح ہسپتال کی چھتیں ٹپکنے کا دیرنہ مسئلہ حل کرنے کا منصوبہ کھٹائی میں پڑ گیا، رواں مالی سال میں 12 کروڑ روپے کے فنڈز فراہم نہیں کیے گئے، آئندہ مالی سال میں بھی منصوبہ ترقیاتی پروگرام کا حصہ نہ بن سکا۔
ذرائع کے مطابق جب تین دہائیاں قبل جناح ہسپتال کی تعمیر مکمل کی گئی تو آغاز سے ہی ہسپتال کی چھتیں ٹپکنے کا سنگین مسئلہ درپیش رہا، چھتوں سے سیپیج اور لیکیج سے واش رومز کی ابتر حالت سدھارنے کیلئے گزشتہ برس منصوبہ تشکیل دیا گیا تاہم حکومت نے فنڈز فراہم نہیں کیے، جناح ہسپتال میں چھتوں کا ٹپکنا جہاں مریضوں کیلئے وبال جان ہے وہیں علاج معالجہ کی فراہمی بھی متاثر ہورہی ہے۔