(ملک اشرف) لاہور ہائیکورٹ نے سانحہ ساہیوال کا ٹرائل ساہیوال سے لاہور منتقل کرنے کے لیے دائر درخواست پر پنجاب حکومت سمیت دیگر فریقین کو نوٹس جاری کر دیئے ہیں۔
چیف جسٹس لاہور ہائیکورٹ جسٹس سردار شمیم احمد خان نے مقتول خلیل کے بھائی جلیل کی درخواست پر سماعت کی، درخواست گزار کے وکیل نے بتایا کہ سانحہ ساہیوال کا ٹرائل ساہیوال کی مقامی عدالت میں زیر سماعت ہے، وکیل نے نشاندہی کی ہے کہ ساہیوال میں مقدمہ کی وجہ سے درخواست گزار سمیت کئی افراد کو مشکلات کا سامنا ہے۔ وکیل نے استدعا کی کہ انصاف کے تقاضوں کے مطابق سانحہ ساہیوال کے مقدمے کو ساہیوال سے لاہور منتقل کرنے کا حکم دیا جائے۔