ویب ڈیسک: سکھر بیراج میں جال میں پھنسے والی ایک اندھی ڈالفن کی جان بچا لی گئی ، محکمہ جنگلی حیات سندھ نے ڈالفن کو جال سے نکال کر محفوظ علاقے میں چھوڑ دیا۔
رپورٹ کے مطابق اندھی ڈالفن جس کا شمار دنیا کی نایاب مچھلی کی اقسام میں ہوتا ہے اور یہ صرف دریائے سندھ میں پائی جاتی ہے۔اس اندھی ڈالفن جس کا وزن 60 کلو گرام اور لمبائی پانچ فٹ تین انچ تھی کو شکاریوں کے جال سے نکال کر محفوظ مقام پر چھوڑ دیا گیا ہے۔
دریائے سندھ میں پائی جانے والی اندھی ڈالفن کی لمبی چونچ ہوتی ہے اورایک بالغ ڈالفن کا وزن 60 سے 90 کلوگرام ہوتا ہے۔ سست رفتاری سے تیرنے والی یہ مچھلی تین فٹ گہرے پانی میں بھی زندہ رہ سکتی ہے۔

Wildlife protection staff take the dolphin on a 51m trip to a sanctuary after freeing it from a fishing net.

Watch more videos from Sky News: https://t.co/Q2a0W3YdwS pic.twitter.com/tayrpIlhG3

— Sky News (@SkyNews) November 8, 2021

ماحولیاتی ماہرین کا کہنا ہے کہ کیمیائی اور دیگر آلودگی کے ساتھ ساتھ ڈیموں کی تعمیر، مچھلیاں پکڑنے کے لیے بھچائے گئے جالوں میں حادثاتی طور پر پھنس جانا، گوشت اور تیل حاصل کرنے کے لیے شکار جیسے عوامل سے اندھی ڈالفن کی نسل ختم ہونے کے قریب ہے۔