ویب ڈیسک: سعودی وزیر افرادی قوت و سماجی بہبود احمد الراجحی نےغیر ملکی ورکرز کے پروفیشن ٹیسٹ پروگرام کا باقاعدہ اعلان کردیا ہے۔ 

سماجی رابطے کی ویب سائٹ ٹویٹر پر ایک ٹویٹ کیا گیا جس میں وزارت انسانی وسائل اور سماجی ترقی (ایچ آر ایس ڈی) نے وزارت خارجہ امور اور تکنیکی و پیشہ ورانہ تربیتی کارپوریشن کے تعاون سے اتوار کے روز پروفیشنل ٹیسٹ پروگرام کے آغاز کا اعلان کیا ہے۔اس کا مقصد یہ جاننا ہے کہ آیا غیر ملکی سعودی عرب میں روزگار ہنرمند مطلوبہ پیشہ وارانہ صلاحیت کے مالک ہیں یا نہیں۔ اس ٹیسٹ کا مقصد سعودی لیبر مارکیٹ کے پیشہ ورانہ معیار کو بہتر بنانا ہے۔ 

#SaudiArabia's Ministry of Human Resources and Social Development (@HRSD_SA) launched the “Professional Verification” program, in cooperation with the Ministry of Foreign Affairs and the Technical and Vocational Training Corporation. https://t.co/Pj1X9UxJvJ

— Saudi Gazette (@Saudi_Gazette) March 7, 2021

اس پروگرام کا مقصد اس بات کی تصدیق کرنا ہے کہ سعودی عرب میں تمام ہنر مند مزدوروں کے پاس بھرتی کیے جانے والے پیشے کو انجام دینے کے لئے مطلوبہ مہارت کے اہل ہے، پروگرام میں کارکنوں کے خصوصی شعبوں سے متعلق عملی اور نظریاتی امتحانات شامل ہوں گے۔ سعودی معیاری درجہ بندی کے مطابق 23 شعبوں سے تعلق رکھنے والے 1 ہزار سے زائد پیشوں کو ٹارگٹ کیا گیا ہے۔

جولائی سے شروع ہونے والا یہ پروگرام سعودی لیبر مارکیٹ میں ہنرمند مزدوروں کے معیار کو بہتر بنانے، ان کی پیداواری صلاحیت میں اضافہ، ان کی خدمات کو بہتر بنانے سمیت نا اہل افراد کی سعودی عرب آمد کو کم کرنے میں معاون ثابت ہوگا۔وزارت افرادی قوت کا کہنا تھا کہ ورکرز کی قابلیت کا امتحان دو مراحل میں ہوگا۔پہلے مرحلہ میں انٹرنیشنل ٹیسٹ سینٹرز کے تعاون سے ہنرمندوں کا ٹیسٹ خود ان کے اپنے ملک میں سعودی عرب روانگی سے قبل لیا جائے گا جبکہ دوسرا مرحلہ ہنر مندوں کے سعودی عرب پہنچنے پر نافذ ہوگا۔

ایسوسی ایشن آف فنانشل پروفیشنل (اے ایف پی) کے ایک رکن علی ایم الہزمی کا کہنا تھا کہ پیشہ ورانہ توثیق کا فیصلہ طویل انتظار میں ہے اور اس سے لیبر مارکیٹ پر مثبت اثرات مرتب ہوں گے۔ بلیک مارکیٹ میں لیبر ویزا سب سے مہنگا تھا کیونکہ جو بھی شخص یہ ویزا رکھتا ہے وہ کسی بھی پیشے میں کام کرسکتا ہے۔  ان کا مزید کہنا تھا کہ مزدوروں نے ملک کی مراعات یا مراعات سے فائدہ اٹھایا لیکن قومی معیشت میں کچھ شامل نہیں کیا۔