پاکستان تحریک انصاف کے رہنما ذلفی بخاری نے توشہ خانہ کیس میں اپنے خلاف درج ایف آئی آر پر ردعمل کا اظہار کرتے ہوئے اسے گھٹیا اور بچگانہ حرکت قرار دیدیا۔

ذلفی بخاری نے اپنے بیان میں کہا کہ اگر آپ نے میرے خلاف کیس بنانا ہی ہے تو کم از کم اسے منطقی اور اصلی رکھیں، ایف آئی آر میں مجھے نامزد کیا گیا ہے لیکن میں نے نہ گھڑی کو کبھی دیکھا نہ ہی اسے فروخت کیا۔پی ٹی آئی رہنما کا کہنا تھا میں نے میڈیا پر دفاع کیا ہے کیونکہ عمران خان نے کوئی غیر قانونی کام نہیں کیا، کاش میں نے گھڑی دیکھی ہوتی یا اسے جانتا تو میں خود اسے خرید سکتا۔

ذلفی بخاری کا کہنا تھا پوری ایف آئی آر ایک مایوس کن، گھٹیا اور بچگانہ حرکت ہے، گھڑی کا ڈیلر اپنے اوپر دباؤ کی وجہ سے مہینوں پہلے ملک سے فرار ہو گیا تھا۔انہوں نے مزید کہا کہ کسی اور نے جا کر اسے رجسٹر کرایا کیونکہ وہ مزید دباؤ برداشت نہیں کر سکتا تھا، یہ وہ چیزیں ہیں جو ہم نے ان دنوں صرف فاشسٹ جمہوریہ پاکستان میں دیکھی ہیں۔

If you must create a case against me atleast keep it more logical & original. The FIR nominates me while I have never seen, touched or sold the watch.. but yes I have defended on media as IK has NOT done anything illegal.
I wish I had seen or even known about the watch so I… pic.twitter.com/PvKSV70T0f

— Sayed Z Bukhari (@sayedzbukhari) June 7, 2023