(عثمان خان): دہلی گیٹ چوہٹہ مفتی باقر بازار میں تین منزلہ مکان کے ملبے تلے دب کرجاں بحق ہونے والے ایک ہی خاندان کے 4افراد کی نماز جنازہ ادا کردی گئی۔ علاقہ میں سوگ کی فضا قائم ہے۔ مالک مکان کے خلاف مقدمہ درج کر لیا گیا۔
گزشتہ روز دہلی گیٹ کوتوالی چوک میں تین منزلہ مکان زمین بوس ہوگیا تھا۔ جس میں ایک ہی خاندان کے پانچ افراد اور راہگیر باپ بیٹی ملبے تلے دب گئے تھے۔ ریسکیو نے بروقت کارروائی کرکے آٹھ سالہ صبیح الحسن کو زخمی حالت میں ریسکیو کرلیا۔ جبکہ سات گھنٹے ریسکیو آپریشن کے بعد 12سالہ علی گوہر، 9 سالہ زید حیدر، 45سالہ غلام عباس، 35سالہ مریم ، چالیس سالہ قدیر اور اس کی 7 سالہ بیٹی مناہل کی لاشیں نکا ل لی گئی ہیں۔ واقعہ کے بعد علاقے کی فضاء سوگوار ہوگئی۔
جاں بحق ہونے والے ایک ہی خاندان کے 4افراد کی نماز جنازہ موچی باغ میں ادا کی گئی۔ واقعہ کے تیس گھنٹے بعد تھانہ اکبری گیٹ میں مالک مکان آل حسین کے خلاف مقدمہ درج کرلیا گیا ہے۔
مزید دیکھئے: