رابی پیرزادہ، فردوس جمال کی حمایت میں سامنے آگئیں

رابی پیرزادہ، فردوس جمال کی حمایت میں سامنے آگئیں

(زین مدنی ) پاکستان کی معروف گلوکارہ و اداکارہ  رابی پیرزادہ سینئر اداکار فردوس جمال کے ماہرہ خان بارے ریمارکس پر ان کی حمایت میں سامنے آگئیں۔

 اپنے ایک ٹویٹ میں رابی پیرزادہ نے کہا کہ پاک و ہند میں گزشتہ پچاس سال سے فردوس جمال ایک ہی ہیں جبکہ ہر ہفتے نئی ماہرہ خان آجاتی ہے۔ اس ٹویٹ پر کئی لوگوں نے کمنٹس کیے، زیادہ تر افراد نے انہیں جواب دیا کہ اگر فردوس جمال اداکارہ ماہرہ خان کے لیے کہی جانے والی بات رابی پیرزادہ کے لیے کہتے تو بھی حالات یہی رہتے، تاہم کچھ افراد نے رابی پیرزادہ سے اتفاق بھی کیا اور کہا کہ فردوس جمال لیجنڈ اداکار ہیں۔

 واضح رہے کہ اداکار فردوس جمال نے گزشتہ ماہ کہا تھا کہ ماہرہ خان نہ تو اچھی اداکارہ ہیں اور نہ ہی انہیں اداکاری آتی ہے۔