بلوچستان کے علاقہ روجھان جمالی میں نصب محکمہ سول ایوی ایشن کا جدید ریڈار خراب ہوگیا، انتظامیہ نے تمام پروازوں کو احتیاطی تدابیر اپنانے کی ہدایات جاری کردیں۔
سول ایوی ایشن ذرائع کے مطابق روجھان کے علاقہ میں نصب ریڈار خراب ہونے کی وجہ سے محکمہ سول ایوی ایشن نے لاھور، کراچی، اسلام آباد سمیت دیگر تمام ایئرپورٹس کو صورتحال سے آگاہ کردیا۔ محکمہ سول ایوی ایشن کے مطابق خراب ریڈار کی مرمت کا کام 10 اکتوبر تک مکمل کر لیا جائے گا۔
محکمہ نے ہدایت کی کہ آنے جانے والی تمام پروازیں فضائی رہنمائی کے لیے کنٹرول ٹاور سے رابطے میں رہیں تاکہ فلائیٹ آپریشن متاثر نہ ہو۔