(جنید ریاض) سکولوں میں اساتذہ و طلبا کے تناسب کی پالیسی میں ایک بار پھر تبدیلی، نئی پالیسی کے تحت سکولوں میں 40 نہیں بلکہ 30 طلبا پر ایک ٹیچر دیا جائے گا۔

سکول ایجوکیشن ڈیپارٹمنٹ نے ریشنلائزیشن کیلئے نئی پالیسی کا اعلان کردیا، نئی پالیسی کے تحت پرائمری سکولوں میں 40 کی بجائے 30 طلبا پر ایک ٹیچر ہوگا، اس سے قبل محکمہ سکول ایجوکیشن نے50 طلبا پر ایک ٹیچر دینے کا  اعلان کیا تھا، جس کے خلاف اساتذہ نے احتجاج اور عدالت جانے کا  فیصلہ کیا تھا۔

متحدہ محاذ اساتذہ پنجاب کے جنرل سیکرٹری کاشف شہزاد چوہدری کا کہنا ہے کہ ترمیمی پالیسی سے اساتذہ پر بوجھ مزید بڑھےگا، گزشتہ دور حکومت میں بھی 40 طلبا پر ایک ٹیچر مقرر تھا۔