ویب ڈیسک:عالمی ای کامرس پلیٹ فارم ایمیزون نے باضابطہ طور پر پاکستان کوسیلر لسٹ میں شامل کرلیا ،مشیر تجارت  رزاق داؤد کا کہنا ہےایمیزون کے ساتھ گزشتہ سال سے بات چیت چل رہی تھی، ای کامرس پالیسی کا ایک اہم سنگ میل پورا ہورہا ہے۔

 تفصیلات کے مطابق دنیاکےسب سےبڑےای کامرس پلیٹ فارم ایمیزون نےباضابطہ طور پر پاکستان کوسیلر لسٹ میں شامل کرلیا ہے جس  سے  پاکستان میں اربوں روپےکی سرمایہ کاری ہوگی اور روزگار کے مواقع میسر آئیں گے۔ ایمیزون  کی سیلرلسٹ میں شامل ہونے سے پاکستان میں ای کامرس کو فروغ ملے گا اور صارفین کو معیاری اشیاء دستیاب ہوں گی۔

مشیر تجارت عبدالرزاق داؤد کا کہنا ہے کہ ایمیزون کےساتھ گزشتہ سال سے بات چیت چل رہی تھی، ای کامرس پالیسی کا ایک اہم سنگ میل پورا ہورہا ہے۔مشیر تجارت عبدالرزاق داؤد   نے اپنے ٹویٹر پیغام میں کہا کہ  ایمیزون کچھ روز میں پاکستان کو اپنے فروخت کنندگان کی فہرست میں شامل کرےگا،ایمیزون لسٹ میں شامل ہونا ٹیم ورک کا نتیجہ ہے۔

We have finally made it. @amazon will be adding Pakistan its Sellers’ List within a few days. We have been engaged with Amazon since last year and now it’s happening. It is a great opportunity for our youth, SMEs and women entrepreneurs. .

— Abdul Razak Dawood (@razak_dawood) May 6, 2021

وزیراعظم کےمعاونِ خصوصی برائے سیاسی روابط ڈاکٹر شہباز گل  کا اپنے ٹویٹر پیغام میں کہنا  تھا  کہ جوکام گزشتہ 10سال میں نہیں ہوسکا وہ موجودہ حکومت نے کر دکھایا۔انہوں نےبتایا کہ ایمیزون نےپاکستان کوسیلر لسٹ میں شامل کرلیا ،اس سے پاکستان عالمی منڈی میں شامل ہوگیا ہے،اس سے اربوں روپےکی سرمایہ کاری اور روزگار کےمواقع پیدا ہوں گے۔انہوں نے اپنے ٹویٹ  میں "شکریہ عمران خان" کا بھی اضافہ کیا۔

پاکستان کی تاریخ میں جو کام پچھلے دس سال سے نا ہوسکا وہ بالآخر موجودہ حکومت نے کر دکھایا۔

AMAZON نے پاکستان کو سیلر لسٹ میں شامل کردیا ہے۔

اس سے پاکستان عالمی منڈی میں شامل ہوگیا ہے۔اس سے اربوں کی سرمایہ کاری اور روزگار کے مواقع پیدا ہوں گے. شکریہ عمران خان pic.twitter.com/c7PIqHCUTU

— Dr. Shahbaz GiLL (@SHABAZGIL) May 5, 2021