(سٹی42) لالی ووڈ انڈسٹری کی معروف اداکارہ وینا ملک نے ایک بار پھر تحریک انصاف کی حمایت کے بارے بات کرتے ہوئے کہا کہ میں کرپشن سے پاک پاکستان کے ساتھ کھڑی ہوں۔
تفصیل کے مطابق لالی وُڈ کی شوخ و چنچل اداکارہ وینا ملک سوشل میڈیا نے دور رہنے کے بعد پھر متحرک ہوگئیں ہیں، ٹویٹر پر ٹویٹ کرتے ہوئے تحریک انصاف اور عمران خان کے بارے اپنے ایک پیغام میں کہا کہ ’میں کرپشن سے پاک پاکستان کے ساتھ کھڑی ہوں۔‘
وینا ملک نے سماجی رابطے کی ویب سائٹ ٹوئٹر پر جاری پیغام میں لکھا کہ ’میں وزیراعظم عمران خان کا ساتھ دینے کے لیے اُن کے ساتھ کھڑی ہوں۔‘اداکارہ نے مزید اپنے ٹوئٹ کے ہیش ٹیگ میں لکھا ’کپتان! ہم آپ کے پیچھے ہیں۔‘
I stand for a corruption free Pakistan.
— VEENA MALIK (@iVeenaKhan) March 4, 2021
I stand with #PMImranKhan#BehindYouSkipper
واضح رہے کہ سوشل میڈیا سے دوری اختیار کرنے سے قبل وینا نے انسٹاگرام پر ایک پوسٹ کی تھی، اداکارہ نےفوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی جو کسی جنگل کی لگ رہی ہے جبکہ تصویر پر انگریزی زبان میں ’آف لائن‘ بھی درج ہے۔جس سے اندازہ لگایا جاسکتا ہے کہ وہ انسٹاگرام پر اب متحرک نہیں ہوں گی۔ پوسٹ سامنے آنے پر مداحوں میں تشویش کی لہر دوڑ گئی۔شیئرکی گئی پوسٹ کے کیپشن میں ہیش ٹیگ TakingBreak کا بھی استعمال کیا۔
اداکارہ وینا ملک نے پوسٹ کرتے اس کی وجہ نہیں بیان کی کہ وہ کیونکہ انسٹاگرام سے دوری اختیار کررہی ہیں مگر ان کے چاہنے والےان کی اس پوسٹ سے افسردہ ہیں۔