(ویب ڈیسک) پاکستان شوبز انڈسٹری کے معروف اداکار عثمان مختار جو کہ مقبول ڈرامہ' صنفِ آہن' میں ایک ایس ایس جی کمانڈو کیپٹن کا کردار اداکررہے ہیں۔ بوکھلائے ہوئے بھارتی سوشل میڈیا نے ان کو پنجگور واقعہ میں شہید قرار دیتے ٹویٹر پر تصویر بھی شیئر کردی۔
تفصیلات کےمطابق پاک آرمی کے بہادر سپوت کا خوف نہ صرف بھارت کی فورسز کے سر سوار ہے بلکہ بھارتی سوشل میڈیا بھی پاک آرمی کے جوانوں کے جرات مندانہ اقدام سے قدر گھبرائے ہوئے ہیں کہ سوتے، جاگتے، اٹھتے، بیٹھتے ،چلتے، پھرتے اپنی سرکار کو خوش کرنے کے لئے پاکستان کے خلاف پروپیگنڈے کرنے سے باز نہیں آتے، اس کی تازہ مثال پاکستانی معروف اداکار عثمان مختار کی صورت میں سامنے آئی جن کو بھارتی سوشل میڈیا نے پنجگور میں شہید ہونے والا آرمی جوان قرار دیدیا۔
بھارتی سوشل میڈیا اکاؤنٹ کی جانب سے اداکار عثمان مختار کی آرمی کے یونیفارم میں ملبوس ایک تصویر شیئر کی گئی جو کہ آئی ایس پی آر کے ڈرامے 'صنفِ آہن' کی ہے۔سوشل میڈیا اکاؤنٹ نے دعویٰ کیا کہ پاک فوج کے ایس ایس جی کمانڈر کیپٹن دانیال پنجگور میں وفات پا گئے ہیں۔
اداکار نے اس مضحکہ خیز ٹویٹ پر تبصرہ کرتےسکرین شاٹ اپنے اکاؤنٹ پر شیئر کیا اور ساتھ ہی تنبیہہ کی کہ ڈیئر پروپیگنڈا، آپ اپنی حد میں رہیں، میں زندہ ہوں۔
Okaaayyyyy then. pic.twitter.com/98U5WgYy5Z
— Usman Mukhtar (@MukhtarHoonMein) February 5, 2022
اداکار کی یہ ٹوئٹ سوشل میڈیا کے کئی پلیٹ فارمز پر وائرل ہے جس پر صارفین مضحکہ خیز تبصرے پیش کر رہے ہیں جب کہ بھارتی اکاؤنٹ کو بھی سخت تنقید کا نشانہ بنایا جارہا ہے۔
واضح رہے کہ گزشتہ دنوں بلوچستان کے علاقوں پنجگور اور نوشکی میں فورسز پر حملہ ہوا تھا جس میں 13 فوجی جوان شہید اور 20 دہشتگرد ہلاک ہوئے تھے۔