ویب ڈیسک: نگران وزیراعظم کے لئے ناموں کی تجویز کا معاملہ ، مسلم لیگ ن کے صدر شہباز شریف نے صدر مملکت کو جوابی خط لکھ دیا۔
سابق وزیراعلیٰ پنجاب اور ن لیگ کے صدر شہبازشریف نے جسٹس (ر )گلزار احمد کا نام مسترد کردیا ۔ انہوں نے اپنے جوابی خط میں لکھا کہ صدر مملکت کا خط 5 اپریل رات نو بجے موصول ہوا۔ عمران خان کی جانب سے جسٹس گلزار کا نام دیا جانا غیر قانونی ہے۔ معاملہ عدالت میں ہے، عمل شروع کرنے کا اختیار نہیں۔
شہبازشریف کا کہنا تھا کہ تحریک عدم اعتماد کے حوالے سے سپیکر کی رولنگ خلاف آئین ہے۔جسٹس (ر )گلزار احمد کا نام بطور نگران وزیراعظم پیش کرنا بھی آئین کے خلاف ہے۔اس تناظر میں وزیراعظم کی طرف سے اسمبلی توڑنا بھی متنازعہ عمل ہے۔سپریم کورٹ نے اس معاملہ کا سوموٹو لیا۔سپریم کورٹ نے کہا کہ کوئی بھی قدم عدالت کے احکامات کے تابع ہوگا۔ آپ کی طرف سے تقرری کے معاملہ پر مشاورت ایک جلد بازی میں کیا گیا عمل ہے۔
Shahbaz Sharif's @CMShehbaz reply letter to the President @ArifAlvi regarding the nomination of caretaker Prime Minister pic.twitter.com/X9lsuUVvO2
— Hidayat Ur Rehman (@zarrar_11) April 6, 2022