(مانیٹرنگ ڈیسک) پاکستان تحریک انصاف کے سابق رکن قومی اسمبلی اور ٹی وی میزبان ڈاکٹر عامر لیاقت حسین نے عمران خان کو غدار قرار دے دیا۔
ڈاکٹر عامر لیاقت حسین نے اپنے سوشل میڈیا اکاؤنٹ پر پوسٹ کی گئی ویڈیو میں عمران خان کو غدار قرار دیتے ہوئے کہا ہے کہ ہم غدار نہیں ہیں، میں نے ووٹ نہیں دیا پھر بھی غدار کہا، اب دوں گا پہلے آپ کے ساتھ تھا اب میں ان لوگوں کے ساتھ ہوں جو غدار نہیں ہیں. بہت کچھ جانتا ہوں بتادیا تو قیامت آجائے گی، میں خاموش ہوں مجھے خاموش ہی رہنے دیں اور خود بھی خاموش رہیں۔
View this post on Instagram
ڈاکٹر عامر لیاقت حسین نے اپنی گفتگو میں صدر مملکت ڈاکٹر عارف علوی کو بھی تنقید کا نشانہ بنایا جبکہ آصف زرداری کیلئے کہا کہ انہیں سیاست کی سب سے بڑی بیماری آصف زرداری کہا جاتا تھا لیکن وہ آصف علی بیداری بن کر سامنے آیا۔
#آئین_کا_غدار_عمران_خان
— Aamir Liaquat Husain (@AamirLiaquat) April 5, 2022
تم نے مجھ سے اکیلے میں کیا کہا یاد ہے کپتان!!! pic.twitter.com/d3jYiIdABa
انہوں نے مزید کہا کہ عمران خان نے طاقت کے نشے میں آئین کو پامال کیا۔ ڈاکٹر عامر لیاقت نے الزام لگایا کہ عمران خان نے جو خط جلسے میں لہرایا تھا وہ جھوٹ پر مبنیٰ ہے، وہ اسد صاحب سے لکھوایا گیا جس میں شاہ محمود قریشی بھی شامل تھے۔
ڈراما ختم ہونے کے بعد کہنا چاہتا ہوں کہ وزیراعظم نے جو کچھ کیا ثابت ہوگیاکہ اپوزیشن جو کچھ کررہی تھی درست کررہی تھی،میں تحریک انصاف چھوڑنے کا اعلان کرتا ہوں،آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ جنرل قمرباجوہ کو ہٹانے کے لیے یہ کھیل کھیلا گیا
— Aamir Liaquat Husain (@AamirLiaquat) April 3, 2022
واضح رہے کہ 3 اپریل کو ڈاکٹر عامر لیاقت نےپاکستان تحریک انصاف چھوڑنے کا باقاعدہ اعلان کرتے ہوئے کہا تھا کہ ڈرامہ ختم ہونے کے بعد کہنا چاہتا ہوں کہ وزیراعظم نے جو کچھ کیا ثابت ہوگیاکہ اپوزیشن جو کچھ کررہی تھی درست کررہی تھی،آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ جنرل قمرباجوہ کو ہٹانے کے لیے یہ کھیل کھیلا گیا۔
اپوزیشن نے جو کیا درست کیا،آصف علی زرداری نے ایک بار پھر “پاکستان کھپے” ثابت کر دکھایا،اسمبلی کے دروازے کے باہر کھڑا رہا،دروازے بند تھےلیکن اللہ کا شکر ادا کرتاہوں کہ مجھے ہمت دی اور دل کی تکلیف کے باوجود سوچ بچار کر کے اسمبلی گیابہت کچھ پتہ ہے لیکن ملکی مفاد بھی کوئی چیز ہوتی ہے
— Aamir Liaquat Husain (@AamirLiaquat) April 3, 2022