سعود بٹ : قومی احتساب بیورو(نیب) نے مختلف کیسز میں ضبط شدہ گاڑیاں اور موٹر سائیکلیں نیلام کرنے کا فیصلہ کیا ہے ، اس حوالے سے نیب لاہور نے 12گاڑیوں اور ایک موٹرسائیکلز کی نیلامی کےلئے اشتہار جاری کردیا۔
ایک رپورٹ کے مطابق گاڑیوں کی نیلامی 18نومبر کو نیب لاہور آفس میں ہوگی،اشتہار میں کہاگیاہے کہ گاڑی کی بولی میں شرکت کرنے والے افراد کو 50ہزار زر ضمانت جمع کرانا ہوگی ، موٹر سائیکل کی بولی میں شرکت کرنے والے افراد کو 10ہزار زر ضمانت جمع کرانا ہوگی۔
دوسری جانب شہبازشریف فیملی کیخلاف منی لانڈرنگ ریفرنس میں نصرت شہباز کو اشتہاری قرار دینے کے اشتہارآویزاں کردیئے گئے۔ ایڈمن جج احتساب عدالت نے اشتہاری کی کارروائی کاحکم دیاتھا،عدم پیشی کی بنا پر نصرت شہباز کے خلاف کاررروائی کاحکم دیاگیا،نوٹس کے مطابق ناقابل ضمانت وارنٹ کے باوجود نصرت شہبازگرفتار نہیں ہوئیں ،نصرت شہبازشریف کی منقولہ او غیرمنقولہ جائیداد کی تفصیلات طلب کرلی گئیں۔