(عمراسلم) سابق وزیراعظم میاں نوازشریف سےان کی بیٹی مریم نواز کی جیل میں ملاقات، مریم نواز کہتی ہیں کہ سابق وزیراعظم میاں نوازشریف کو انجائنا کا اٹیک ہوا جس پر انہیں سپرے دیا گیا، میاں نوازشریف کی طبیعت خراب ہے۔
میاں نوازشریف سے کوٹ لکھپت جیل میں ان کی صاحبزادی مریم نواز اور ڈاکٹر عدنان کی ملاقات ہوئی، مریم نواز کا ملاقات کے بعد ٹوئیٹ کرتے ہوئے کہنا تھا کہ میاں نوازشریف کی طبیعت ناساز ہے، گزشتہ ہفتے انہیں انجائنا کا اٹیک ہوا تو انہیں سپرے دیا گیا، نوازشریف کواس طرح کا اٹیک گزشتہ ہفتہ چار بار ہوچکا ہے۔
MNS has been a 3 times Prime Minister & the insensitivity & callousness regarding his health on part of the govt is shocking to say the least. My family & I are extremely concerned given the grave risk to his health. His condition is in every way life-threatening.
— Maryam Nawaz Sharif (@MaryamNSharif) March 5, 2019
مریم نواز کا کہنا ہےکہ میاں نوازشریف نے فیصلہ کیا ہے کہ وہ اپنی طبیعت کے حوالےسے کسی کو نہیں بتائیں گے، تین بار وزیراعظم رہنے والے میاں نوازشریف کو علاج کی سہولت نہیں دی جا رہی۔ مریم نواز کے بقول سابق وزیراعظم نوازشریف کےعلاج کے حوالے سے تحفظات ہیں، نوازشریف کو سیاسی انتقام کا نشانہ بنایا جا رہا ہے۔