(ویب ڈیسک) وفاقی وزیر برائے آئی ٹی امین الحق نے کہا ہے کہ ٹک ٹاک جلد ہی اپنا دفتر پاکستان میں کھولنے جا رہا ہے۔

 صحافیوں سے گفتگو کرتے ہوئے وفاقی وزیر برائے آئی ٹی امین الحق نے کہا ہے کہ پاکستان میں سوشل میڈیا قوانین حتمی مراحل میں ہیں، ان قوانین کو کابینہ میں منظوری کیلئے بھیج رہے ہیں، ان قوانین پر وزیر قانون کی رہنمائی میں کمیٹی کام کر رہی ہے جو کہ ان قوانین کو حتمی شکل دے گی۔

 وفاقی وزیر کا مزید کہنا ہے کہ گوگل کا دفتر پاکستان میں کھل چکا ہے، ٹک ٹاک بھی اپنا دفتر کھولنے جا رہا ہے، جو کمپنی اپنا دفتر یہاں نہیں کھولنا چاہتی ان کا ورچوئل دفتر پاکستان میں موجود ہونا چاہیے۔