(ویب ڈیسک )بالی ووڈ کنگ شاہ رخ خان نے ساتھی اداکارہ عالیہ بھٹ کو ماں بننے کے بعد ایک نیا خوبصورت نام دے دیا ہے۔شاہ رخ خان نے گزشتہ روز مائیکروبلاگنگ ویب سائٹ ٹوئٹر پر اپنے مداحوں کے ساتھ گفتگو کےلیے ایک سیشن رکھا، جس میں اداکار نے مداحوں کی جانب سے پوچھے گئے سوالات کے دلچسپ جوابات بھی دیے۔
اداکار سے ایک مداح نے اس سیشن کے دوران ایک سوال کیا کہ عالیہ بھٹ آپ کو ’SRK‘ کی بجائے صرف ’SR‘ کیوں بلاتی ہیں ؟
اُنہوں نے اس سوال کے جواب میں کہا کہ’SR‘ کا مطلب پیارا اور رومانوی(Sweet & Romantic) ہوسکتا ہے یا شاید سینئر اور قابل احترام (Senior & Respectable) یا پھر شاید صرف شاہ رخ بھی ہوسکتا ہے۔
Could mean sweet& romantic or maybe senior & respected or maybe just shah rukh https://t.co/9o9kFYGcWJ
— Shah Rukh Khan (@iamsrk) January 4, 2023
شاہ رخ خان کی مداح کی جانب سے پوچھے گئے سوال پر سامنے آنے والی کنفیوژن کو عالیہ بھٹ نے خود ہی دور کردیا۔
عالیہ بھٹ نے شاہ رخ خان اور ان کے مداح کی اس گفتگو کا حصّہ بنتے ہوئے لکھا کہ میں آپ کو’SR‘ اس لیے کہتی ہوں کیونکہ آپ بہت پیارے اور قابلِ احترام (Sweet & Respectable) ہیں۔
اُنہوں نے مزید لکھا کہ لیکن اب 25 جنوری سے میں آپ کو پٹھان کہہ کر بلاؤں گی۔
More like sweet and respected :)
— Alia Bhatt (@aliaa08) January 4, 2023
But from 25th Jan I’m going to switch to calling you Pathaan ????❤
See I’m so creative na ???? https://t.co/6rAAkvwXZi
جس پر شاہ رخ خان نے جواب میں لکھا کہ ٹھیک ہے چھوٹی، اور اب میں تمہیں ’اماں بھٹ کپور‘ کہوں گا!
Done lil one. And I am now going to call u lil Amma Bhatt Kapoor! https://t.co/QzKQ862BDN
— Shah Rukh Khan (@iamsrk) January 4, 2023
واضح رہے کہ شاہ رخ خان اور عالیہ بھٹ نے 2016ء میں ریلیز ہونے والی فلم’ڈیئر زندگی‘ میں ایک ساتھ کام کیا تھا اور اب ان دونوں اداکاروں کے درمیان عمر کا بہت زیادہ فرق ہونے کے باوجود بھی ایک دوسرے کے ساتھ بہت اچھا دوستانہ تعلق ہے۔
فلم’ڈیئر زندگی‘ کے بعد ان دونوں نے 2022ء میں نیٹ فلکس پر ریلیز ہونے والی فلم’ ڈارلنگز‘ کو مل کر پروڈیوس بھی کیا۔اتنا ہی نہیں بلکہ شاہ رخ خان اور عالیہ بھٹ اکثر اپنے انٹرویوز میں ایک دوسرے کی تعریفیں بھی کرتے نظر آتے ہیں۔